26 ნოემბრის ახალი შეზღუდვების შედგად ტურიზმის ინდუსტრია კიდევ უფრო გამოუვალ მდგომარეობაში აღმოჩნდა. მისი წარმომადგენლების ვნებათაღელვა არ ცხრება და ისინი გამოსავლის ძიებაში არიან.
- თამრიკო სიხარულიძე - სასტუმრო „გალერი პალასის“ გენერალური მენეჯერი, “გასტრონომიული ტურიზმის ბიზნეს ასოციაციის” თავმჯდომარე, „საქართველო ტურიზმის ინდუსტრიის ალიანსის“ თანადამფუძნებელი:
,,ყველაფერის მართვა არის შესაძლებელი. ძალიან ბევრი ინსტრუმენტია, რაც შეიძლება ურთიერთკოორდინირებით დაიხვეწოს. ამ ყველაფერს სჭირდება დაგეგმვა და სწორად გაწერა ისე, რომ სექტორი, რომელიც სულს ღაფავს, სრულად არ გაკოტრდეს. რაც ფაქტია, რომ სრულად ჩაკეტვის პირობებში გარდაუვალია. დღეს ყველას გვაქვს ერთი პრობლემა. ეს პრობლემა კი მდგომარეობს სექტორი ყოფნა-არყოფნის საკითხში. ამისთვის, საჭიროა მჭიდრო კომუნიკაცია და კოორდინირებული მუშაობა საჯარო და სახელმწიფო სტრუქტურებს შორის.“
შეგახსენებთ, რომ 1 დეკემბერს, 27 ტურიზმის ორგანიზაციისგან შემდგარმა „საქართველოს ტურიზმის ინდუსტრიის ალიანსმა“ შემდეგი მოთხოვნებით ოფიციალურად მიმართა საქართველოს მთავრობას:
- სარესტორნო სფეროს დახურვის გაუქმება;
- სამთო კურორტების გახსნა რეგულაციების მკაცრი დაცვით;
- საბანკო სესხების გადავადება 2021 წლის ზაფხულამდე, როგორც იურიდიული პირებისთვის, ასევე სექტორში დასაქმებულთათვის;
- ტურიზმის აღდგენის პროცესის დეტალურად დასაგეგმად სამუშაო ჯგუფის შექმნა, რომელშიც ინდუსტრიის ყველა წარმომადგენელი ჩაერთვება;
ავტორი: ლიზა ანთაძე
ტურიზმის აღდგენა ეკონომიკის აღდგენა lockdown
