კოვიდ პანდემიის ფონზე ტურიზმის სექტორი იძულებული გახდა ჩაეკეტა კარები ვიზიტორებისთვის და ყველაფერი რისი გადატანაც შესაძლებელი იყო, ციფრულ ფორმატს მიუსადაგა - ვირტუალური ტურები, გამოფენები და ა.შ.
სკანდინავიის ქვეყნები აქაც ნოვატორებად მოგვევლინენ და ვირტუალური ტურიზმი ახალ ეტაპზე გადაიყვანეს.
არქიპელაგი, რომელიც დანიის თვითმმართველი ერთეულია, მომხმარებელს სთავაზობს ვებ-გვერდს, სადაც შესაძლებელია გიდის (ადამიანის), პირდაპირი გაგებით, მართვა. ამის საშუალებას კი იძლევა ვიდეო-თამაშის კონსოლის მსგავსი აპლიკაცია.
ყოველ დილით, ადგილობრივი დროით 5 საათზე გიდი შემოდის ონლაინ პლატფორმაზე და ყველას ვინც დარეგისტრირებულია ვებ-გვერდზე შეუძლია მისი “მართვა” ერთი წუთის განმავლობაში - ბრძანებების ველში შემდეგი მოქმედებებია: “სირბილი”, “ახტომა”, მოძრაობა წინ, უკან, მარჯვნივ ან მარცხნივ.
ფარერელ გიდს ჩაფხუტზე დამაგრებული აქვს GoPro კამერა, რომელიც გამოსახულებას პირდირ რეჟიმში გადასცემს ვებ-გვერდს.
სოციალური დისტანცია ფარერებისთვის არ გახლავთ აქტუალური ცნება. გაეროს მონაცემებით არქიპელაგს, რომელიც ნორვეგიას, ისლანდიას და შოტლანდიას შორის მდებარეობს 50,000 ნაკლები მაცხოვრებელი ჰყავს 18 კუნძულზე.
წყარო: CNN
ტურიზმის მარკეტინგი ციფრული მარკეტინგი ინოვაციები
