[ნაწილი 1] როგორ შეუძლია სასტუმროებს Google-ის პლატფორმის გამოყენება პოსტ-პანდემიურ ეპოქაში

ტურისტერი შემდგომი 4 სტატიის ფარგლებში გესაუბრებათ იმაზე, თუ როგორ უნდა იმოქმედონ სასტუმრო ინდუსტრიის წარმომადგენლებმა ციფრული მარკეტინგის, კერძოდ გუგლის ხელსაწყოების, მაქსიმალურად ეფექტურად გამოყენების მხვრივ დღევანდელი კონტექსტის გაათვალისწინებით.

ნაწილი 1

მიუხედავად იმისა, რომ გუგლის მიერ სამოგზაურო სფეროს დომინანტობის ირგვლივ ცხარე დისკუსიები მიმდინარეობს და სფეროს ექსპერტები სულ უფრო და უფრო აქტიურად მოუწოდებენ სტუმარმასპინძლობის ინდუსტრიას გუგლზე დამოკიდებულობის შემსუბუქებისკენ, ერთი რამ ცხადია: უფულოდ დარჩენილმა სასტუმრო სექტორმა დღეს უბრალოდ არ უნდა დაუშვას გუგლზე მარკეტინგული აქტივობების შეწყვეტა.

დღეს, მიუხედავად კრიზისისა და ინდუსტრიის დანაკარგებისა, სასტუმროს მარკეტერებმა ისევ ისეთივე აქტიურობა უნდა გამოიჩინონ გუგლზე, როგორც ეს ბოლო 20 წლის განმავლობაში ხდებოდა.

უმეტეს შემთხვევაში, გუგლი საშუალოდ სასტუმრო ნომრების პირდაპირი ონლაინი გაყიდვების 50 %-ზე მეტს უზრუნველყოფს,  რაც როგორც ორგანული  (SEO, AMPs, Schema, content marketing  და ა.შ.), ისე ფასიანი რეფერალების (SEM, GDN, GHA ა.შ.) საშუალებით ხდება.    

ამაში არ შედის ონლაინ ტურისტული სააგენტოების (OTA)  მიერ გაყიდული ოთახები, რაც მეტწილად ონლაინ ტურისტული სააგენტოების მიერ ასევე გუგლზე განხორციელებული სარეკლამო აქტივობების წყალობით ხდება. ამაში კი წლიურად 11 მილიარდი აშშ დოლარი იხარჯება.  

პანდემიის დროს გუგლის საძიებო ბაზარი კიდევ უფრო გაიზარდა. შედეგად, 2020 წლის აგვისტოში გუგლი აკონტროლებდა ამერიკის ბაზრის 87.3 %-ს, ევროპაში- 93.24 %-ს, ხოლო აზიაში- 91.5 %-ს.

სასტუმროს მარკეტერებისთვის გუგლი 2 ძირითადი მიმართულებითაა საინტერსო:

1. გუგლი მომხმარებლის ციფრული მოგზაურობის  „მწყემსია“

გუგლი ძალიან დახელოვნებულია შემოსავალი მიიღოს რეფერალების და ე.წ. CPA (Cost per acquisition) საშუალებით მომხარებლის ციფრული მოგზაურობის ხუთივე ეტაპზე, რაშიც შედის ოცნების, დაგეგმვის, დაჯავშნის, განცდის და გაზიარების ეტაპები.

გუგლი მომხარებელს კარგად „აკონტროლებს“ ოცნების და დაგეგმვის ეტაპზე, ამავე დროს იგი პირდაპირ გავლენას ახდენს დაჯავშნის ეტაპზე გადასულ მყიდველსაც.  პარალელურად გუგლის გავლენა სულ უფრო და უფრო  იზრდება გამოცდილებაში მომხმარებლის ჩართულობის  (განთავსების ობიექტში ყოფნის პერიოდში) და გაზიარების (განთავსების ობიექტში ყოფნის შემდგომ) ეტაპზე Google My Business, Local Experiences, Google Reviews და სხვა ხელსაწყოების საშუალებით.

2. გუგლის ინტეგრირებული სარეკლამო ეკოსისტემაა

გუგლი სრულად ინტეგრირებული სარეკლამო პლატფორმა - სარეკლამო ეკოსისტემაა. აქ რეკლამის ყველა ფორმატი ერთმანეთთანაა დაკავშირებული და სინქრონულად მუშაობს. მომხმარებლის ჩართულობა მოგზაურობის საწყის ეტაპზე (ე.წ. upper funnel-ზე)  (რაშიც მოიაზრება: SEO, content marketing, YouTube TrueView, Gmail Ads და ა.შ.) გავლენას ახდენს მოგზაურობის ქვედა დონის (ე.წ.lower funnel)   დროს განხორციელებულ კონვერსიაზე (Google Ads, Google Hotel Ads, Google Display Network, RLSA, Customer Match და ა.შ.).

გარდა ამისა, გუგლი მომხმარებლის ყოველი ინტერაქციის, ძიების, კომუნიკაციის, Android, Gmail, YouTube-ის და სხვა ხელსაწყოების გამოყენების საფუძველზე ყოველდღიურად აგროვებს, ანახლებს და ამდიდრებს მონაცმებებს და შედეგად სრულ სურათს ღებულობს: გუგლმა უფრო მეტი იცის კონკრეტული ინტერნეტ მომხარებლის შესახებ, ვიდრე ერთად აღებულმა NSA, FBI, CIA, DHS, Interpol, KGB და მოსადიმ.

სასტუმროს მარკეტერებმა ამ ორი ძირითადი  მიმართულებით უნდა განსაზღვრონ თავიანთი გუგლის მარკეტინგის სტრატეგიის დაგეგმვა, განხორციელება და ბიუჯეტი, რაც მათ დაეხმარება პოსტ კრიზისულ პერიოდში სასტუმროს სტუმრების მოზიდვაში.

შედგომ სტატიაში ვისაუბრებთ იმაზე თუ რა კონრეტული ნაბიჯები უნდა გადადგან სასტუმროს მარკეტერებმა , რათა მაქსიმალური შედეგი მიიღონ გუგლთან თანამშრომლობით.

მომზადებულია შინდის დახმარებით, phocuwire-ის მასალებზე დაყრდნობით.